Imyororokere: Imibonano mpuzabitsina hari icyo itwara umwana uri mu nda? Birashoboka




Imyororokere: Imibonano mpuzabitsina hari icyo itwara umwana uri mu nda? Birashoboka
07/01/2017 12:40

Ubusanzwe nta mpamvu n’imwe yo guhagarika imibonano mpuzabitsina mu gihe umuntu atwite kuko umwana mu nda aba arinzwe bihagije. Igisabwa ni uko umugore abikora mu gihe yumva ameze neza, kandi akabikora yitonze yirinda kwicugusa cyane, cyangwa ngo we n’uwo babonana bacuguse cyane umwana, iyo inda imaze kuba nkuru.



Nk’uko bitangazwa n’urubuga babycenter.fr, niba utwite inda ukaba nta kibazo na kimwe ufite, nta kibuza gukomeza gukorana imibonano mpuzabitsina n’uwo mwashakanye kugeza igihe utangiriye ibise. Uru rubuga rukomeza rubwira abagore batwite ko bagomba kubanza kuvugana na muganga wabo (gynécologue) akababwira uko nyababyeyi imeze, niba nta n’ikindi kibazo bagira bitewe n’uko we abibona nk’impuguke.

Gukurakuza

Nk’uko uru rubuga twabasomeye rubivuga, nta kibazo na kimwe umwana uri mu nda agira iyo nyina akora imibonano mpuzabitsina(Gukurakuza). N’iyo umugabo yaba ari hejuru y’umugore we atwite (aha ariko nk’umuco w’Abanyarwanda abagabo bakwiye kugiramo ubushishozi, kuko atari byiza kubikora umugabo asa nk’umusazi), ntacyo bitwara umwana, kuko hari akantu gasa n’agafuniko gafite ururenda ruhagije (L’épais bouchon muqueux) gafunga nyababyeyi kugira ngo hirindwe ingaruka zose zatuma habaho ikibazo nko gukomereka. Aha, icyo bita liquide amniotique n’imikaya ifite ingufu ya nyababyeyi bikaba bigira uruhare rukomeye mu gukingira umwana.

Aha na none , uru rubuga rwongeraho ko mu gihe umubyeyi utwite yumva umwana uri mu nda asa n’uwimuka, bitavuze ko aba azi ikirimo kuba niba ari kibi cyangwa cyiza, ahubwo abibwirwa n’uko umutima we uba utera cyane. Iki gihe gisa nk’aho kihariye, bikaba ari ngombwa ko umubyeyi ahagarika imibonano mpuzabitsina muri ako kanya.

Gutwita bihindura byinshi ku bagore

Birashoboka ko abagore bamwe na bamwe bagira akamenyero ko gukora imibonano mpuzabitsina igihe batwite, bakabikora bibanejeje nta kibazo. Gusa hari abo bitabera byiza cyane. Ku bagore bamwe amaraso agana muri icyo gice ashobora kuba menshi cyane mu bice by’imyororokere y’umugore, ndetse bikaba byakongera ibyiyumvo cyane. Gusa ku bandi bagore, ubwo bwinshi bw’amaraso, bushobora gutuma umugore utwite agubwa nabi nyuma y’imibonano mpuzabitsina. Ku bagore bamwe kandi ngo usanga bababara “Crampes abdominales” mu gihe cyangwa nyuma y’icyo gikorwa.

Tukivuga kuri iyi ngingo, nk’uko tubikesha urubuga babycenter.fr ngo kudashaka imibonano mpuzabitsina ku mugore utwite (kuzinukwa), nabyo ngo ntibitangaje kuko bishobora kubaho ! Umubiri w’umugore utwite ushobora kwiyumvamo ko ari ngombwa kutabikora kandi ko nta ngaruka byagira mu buzima bwe cyane ku byerekeranye n’imibonano mpuzabitsina, ariko kandi birakwiye ko uyu mugore bibayeho abiganira n’umugabo we. Abagore bamwe rwose bumva nta kibazo na kimwe bibatera kandi koko ni byo, mu gihe abandi bo ngo bibatera kunanirwa cyane ndetse bakagubwa nabi cyane ku gihembwe cya mbere (mbere y’amezi ane batwite) ku buryo niyo umugabo abikoze biba bisa nko kubasagarira rwose.

Nk’uko impuguke mu by’imyororokere zibivuga, zigira ziti “Igihembwe cya kabiri umugore wabanje kuzinukwa imibonano mpuzabitsina agisama, ashobora kumva abikunze ariko buhoro. Nyamara ngo kwifuza kubikora mu gihembwe cya gatatu birahinduka cyane ku bagore benshi batwite bitewe n’uko baba batangiye gutekereza ibyo kubyara, ubundi se bakaba bakumva rwose babishaka cyane, kuko iki gihe ariho abagore bavuga ko baba bishimiye umugabo cyane, gusa ibi ntibigendekera kimwe abagore bose ”.

Abagabo batari bacye nabo bahindura imyitwarire

Bamwe mu bagabo bakoreweho igenzura byagaragaye harimo abahinduka bagatangira kubona ko abagore babo babakurura cyane (très attirante). Ariko kuri benshi, ingirabushake yo gukora imibonano mpuzabitsina k’umugabo iragabanuka, ahanini bitewe no kugira ubwoba cyane ku buzima bw’umubyeyi n’umwana atwite. Ibi bikaba ariko byishimirwa cyane cyane n’abagore ndetse n’abaganga bavuga ko ari ingirakamaro k’umugabo ubikoze, kuko byerekana ku ruhande rumwe impuhwe n’urukundo umugabo aba afitiye umugore we, nk’uko bisobanurwa bikaba ari igihe cyo kwitonda cyane k’umugabo kabone n’ubwo yakora imibonano mpuzabitsina akibuka kubikorana ubushishozi buhagije.

Kuri iyi ngingo yo gukora imibonano mpuzabitsina ku mugore utwite, icyo abantu bakwiye kumenya ni uko nta kibazo, kuko umwana uri mu nda aba arinzwe bihagije ntaho ashobora guhurira n’intanga mu gihe cy’imibonano mpuzabitsina. Ibi bikaba bica ibihuha bikwizwa n’abantu bamwe na bamwe bavuga ko umugabo ashobora gukomeretsa umwana uri mu nda iyo arimo gutera akabariro; ndetse hakabaho no gukabya nk’iyo umwana avukanye ikibazo runaka, aho usanga hari abavuga ngo byatewe n’umugabo mu gihe yakoraga imibonano mpuzabitsina.


Mukunzi wacu, tera inkunga ubwanditsi bwacu ukora share, like cyangwa utanga igitekerezo. Ibi n'ubwo ari igikorwa gito ariko ni inkunga ikomeye kuri twe. Murakoze


Gira icyo uvuga kuri iyi nkuru
pre-moderation

This forum is moderated before publication: your contribution will only appear after being validated by an administrator.

Who are you?
Your post






Waba ushaka kwamamaza?

Ushaka kwamamaza ibihangano byawe, ibikorwa byawe cyangwa ubucuruzi bwawe?
Ntucikwe n'iyi promotion Umusare.Net yakugeneye kuko irangirana n'ukwezi kwa Mutarama. Bwira n'incuti yawe.
->Kanda hano wamamaze ku buntu!!