"Murabeho" Ijambo ryo gusezera rya Barack Obama nka perezida wa Amerika.




"Murabeho" Ijambo ryo gusezera rya Barack Obama nka perezida wa Amerika.
11/01/2017 03:45

Mu gahinda kenshi Perezida Barack Obama yavuze ijambo ryo gusezera ku mwanya wa perezida wa Amerika asuka amarira.



Perezida Barack Obama wa Leta Zunze Ubumwe za Amerika yavuze ijambo k’umugoroba wo kuri uyu wa kabiri ryo kurangiza manda ebyiri yari amaze ari Umukuru w’Igihugu.

Perezida Obama mu ijambo rye rya nyuma nk’Umukuru w’Igihugu yarivugiye muri Leta ya Chicago, asanzwe aturukamo, ahari abantu ibihumbi bari bitabiriye icyo gikorwa.

Perezida Obama mu ijambo ryo gusezera yatangaje ko ibyo bagezeho ari byinshi
Donald Trump azatangira imirimo ye yo kuyobora Amerika ku italiki 20 Mutarama 2017

Mu ijambo rya Perezida Obama yagarutse ku bikorwa yakoze muri manda y’imyaka umunani yari amaze ayobora igihugu. Bimwe muri ibyo akaba ari ibijanye n’ubutunzi bwazamutse mu gihe yageze k’ubutegetsi bumeze nabi , ibikorwa bijyanye no ku rwanya iterabwoba, kugabanya umubare w’abadafite akazi, kurwanya inganda zikora intwaro za kirimbuzi mu gihugu cya Irani(....).

Perezida Obama yasabwe n’amarira mu ijambo ryo gusezera.

Perezida Obama yatangaje ko mu gihe arimo arabisikana mu mutekano n’ugiye kumusimbura ngo demokarasi ya Amerika igaragarira mu migambi yubahiriza abanyagihugu. Muri iryo jambo ryo gusezera, nkuko ibiro byiwe byaryise ngo “Murabeho”, Perezida Obama yafashe umwanya wo gushimira abamwizeye, ashimira umuryango we, yongera kandi ashimira icyegera cye Joe Biden, mu kuvuga ko igenwa rye ryabaye ingingo ya mbere nziza yafashe.

Muri iryo jambo kandi Perezida Obama yatangaje ko nubwo agiye atarangije urutonde rw’imigambi yiwe yose yizeye ko we n’abamufashije bose bagize uruhare mu kubaka igihugu .

Perezida Obama akaba azasimburwa na Donald Trump ugiye kuyobora Amerika nka perezida wa 45 akaba azatangira imirimo ye ku itariki ya 20 z’uku kwezi kwa mbere.


Mukunzi wacu, tera inkunga ubwanditsi bwacu ukora share, like cyangwa utanga igitekerezo. Ibi n'ubwo ari igikorwa gito ariko ni inkunga ikomeye kuri twe. Murakoze


Ibitekerezo(1)
Gira icyo uvuga kuri iyi nkuru
pre-moderation

This forum is moderated before publication: your contribution will only appear after being validated by an administrator.

Who are you?
Your post






Waba ushaka kwamamaza?

Ushaka kwamamaza ibihangano byawe, ibikorwa byawe cyangwa ubucuruzi bwawe?
Ntucikwe n'iyi promotion Umusare.Net yakugeneye kuko irangirana n'ukwezi kwa Mutarama. Bwira n'incuti yawe.
->Kanda hano wamamaze ku buntu!!