Suarez yaciye agahigo avuga amagambo atangaje kuri Messi.




Suarez yaciye agahigo avuga amagambo atangaje kuri Messi.
11/01/2017 23:37

Nyuma y’umukino wahuje ikipe ya Fc Barcelona n’ikipe ya Atletic Bilbao Suarez wanditse n’amateka kuri uyu mukino yumvikanye avuga amagambo yatangaje abantu kuri Messi



Ikipe ya Fc Barcelona yaraye itsinze ikipe ya Atletic Bilbao ibitego 3-1 mu mikino y’igikombe cyo muri Espagne cya Copa Del Rey.

Mu mukino ubanza ikipe ya Atletic Bilbao yatsinze Barcelona ibitego 2-1,Uteranyije imikino yombi Barcelona niyo iri imbere n’ibitego 4 kuri 3 bya Atletic Bilbao, Ibi bikaba bisobanuye ko Barcelona ariyo yaraye ikomeje.

Ibitego by’ikipe ya Fc Barcelona byatsinzwe na Luis Suarez ku munota wa 36, iki gitego cya Suarez cyahise gituma aca agahigo ko kuzuza ibitego 100 mu ikipe ya Fc Barcelona kuva mu 2014 yagera muri iyi kipe.

Uku niko Suarez yishimiye igitego cye cy’ijana cyaje ari icya 300 MSN imaze gutsinda kuva Suarez yagera muri iyi kipe muri 2014.

Neymar niwe waje gutsindira ikipe ya Fc Barcelona igitego cya kabiri kuri penaliti cyabonetse ku munota wa 47’ w’umukino.

Aha Neymar yishimiraga igitego yatsinze kuri penaliti.

Ibintu byaje gusubira i rudubi imbeho itangira gutaha mu bafana ba Fc Barcelona ubwo umusore Enric Saborit yatsindiraga ikipe ya Atletic Bilbao igitego cya mbere cyo ku munota wa 51. Aha ngaha umukino wari ubaye nk’utangiye bundi bushya kuko amakipe yombi yanganyaga ibitego 3-3 uteranyije imikino yombi.

Kizigenza w’ikipe ya Fc Barcelona Lionel Messi w’imyaka 29 byamusabye iminota 77 y’umukino kugira ngo atsinde igitego cy’intsinzi kuri coup-franc yateye neza cyane iboneza mu rushundura.

Messi yatsinze igitego cya coup-franc kibukije abantu icyo aheruka gutsindira ikipe ya Fc Barcelona ku munota wa 90 ubwo banganyaga na Vilareal 1-1.

Nyuma y’umukino Luis Suarez yagize ati " Messi natwe ntituramusobanukirwa neza, yibitseho ikintu natwe tutazi, ni umukinnyi wa mbere kuri iyi si kandi arabigaragaza muri buri mukino, si ukubabeshya natwe ibyo akora biradutangaza twarumiwe !".

Twabibutsa ko muri shampiyona ya Espagne ikipe ya Fc Barcelona iri ku mwanya wa kabiri aho irushwa amanota 5 n’ikipe ya Real Madrid gusa Real Madrid ikaba ifite umukino itarakina.

Suarez yatsinze igitego cy'ijana mu ikipe ya Fc Barcelone kuva yahagera mu mwaka wa 2014.
Ikipe ya Fc Barcelona yatsinze Atletic Bilbao ibitego 3-1 mu mikino ya Copa Del Rey.
Luis Suarez atangaza ko Messi ariwe mukinnyi wa mbere ku isi.



Gira icyo uvuga kuri iyi nkuru
Mukunzi wacu, tera inkunga ubwanditsi bwacu ukora like, share cyangwa utanga igitekerezo. Ibi n'ubwo ari igikorwa gito ariko ni inkunga ikomeye kuri twe. Murakoze
pre-moderation

This forum is moderated before publication: your contribution will only appear after being validated by an administrator.

Who are you?
Your post







Waba ushaka kwamamaza?

Ushaka kwamamaza ibihangano byawe, ibikorwa byawe cyangwa ubucuruzi bwawe?
Ntucikwe n'iyi promotion Umusare.Net yakugeneye kuko irangirana n'ukwezi kwa Mutarama. Bwira n'incuti yawe.
->Kanda hano wamamaze ku buntu!!