Akumiro karagwira ! Umugore yafatanywe umwana amupakiye mu ivarisi amujyanye i Burayi !


Abimukira bakajije amayeri yo gutorokera i Burayi.
Abimukira bakomeje gupfa bagerageza kujya i Burayi



Akumiro karagwira ! Umugore yafatanywe umwana amupakiye mu ivarisi amujyanye i Burayi !
02/01/2017 21:26

Nta kindi kiri gukwirakwizwa cyane mu binymakuru usibye umugore wafatanywe umwana amupakiye mu ivarise amujyanye mu bihugu byo hanze...
Umugore wo mu gihugu cya Maroc yafatanywe ivarisi yari yahishemo umusore w’umwimukira ukomoka muri Gabon yashakaga kujyana mu gihugu cya Esipanye mu buryo butemewe n’amategeko, ubu akaba yahise atabwa muri yombi.
Uyu mugore yafashwe n’inzego z’umutekano z’igihugu cya Esipanye, yafatiwe ku mupaka w’iki gihugu aho gihana imbibi na Maroc, ahita afungirwa hafi aho (...)



Umugore wo mu gihugu cya Maroc yafatanywe ivarisi yari yahishemo umusore w’umwimukira ukomoka muri Gabon yashakaga kujyana mu gihugu cya Esipanye mu buryo butemewe n’amategeko, ubu akaba yahise atabwa muri yombi.

Uyu mugore yafashwe n’inzego z’umutekano z’igihugu cya Esipanye, yafatiwe ku mupaka w’iki gihugu aho gihana imbibi na Maroc, ahita afungirwa hafi aho mu gace kitwa Ceuta. Hari kuwa Gatanu tariki 30 Ukuboza 2016. Ikinyamakuru Daily Mail dukesha iyi nkuru, kigaragaza ko ibi bintu byo kwambukana abantu mu bikapu no mu mavarisi bimaze igihe bikorwa cyane ku mupaka wa Maroc na Esipanye.

Muri ibi bihe by’impera z’umwaka wa 2016 hamwe n’intangiriro za 2017, abimukira barenga 1000 bafatiwe ku mupaka wa Esipanye na Maroc bashaka kwambuka ngo berekeze ku mugabane w’u Burayi mu buryo butemewe n’amategeko. Ibikorwa byo kubakumira byakomerekeyemo abapolisi batanu ba Esipanye n’abandi 50 ba Maroc, nyuma y’uko abo bimukira bashakaga kwinjira ku ngufu barwanyije abashinzwe umutekano.

Muri uku kwezi gushize k’Ukuboza, abimukira bo muri Afurika yo munsi y’ubutayu bwa Sahara barenga 400 babashije kwinjira ku ngufu muri Ceuta muri Esipanye, iki gihugu gihita kirushaho gukaza ingamba zo kubakumira. Kugeza ubu Libya, iza ku isonga mu bihugu byo muri Afurika birimo guturukamo abimukira benshi bashamadukira kujya i Burayi.

Umwaka wa 2016, ni wo mwaka wa mbere mu mateka wagaragayemo umubare munini w’abantu bapfuye bagerageza kwimukira i Burayi baciye mu nyanja ya Mediterranean, umuryango mpuzamahanga w’abinjira n’abasohoka ukaba warabaruye impfu zibarirwa mu 5000.

 


Mukunzi wacu, tera inkunga ubwanditsi bwacu ukora share, like cyangwa utanga igitekerezo. Ibi n'ubwo ari igikorwa gito ariko ni inkunga ikomeye kuri twe. Murakoze


Gira icyo uvuga kuri iyi nkuru
pre-moderation

This forum is moderated before publication: your contribution will only appear after being validated by an administrator.

Who are you?
Your post






Waba ushaka kwamamaza?

Ushaka kwamamaza ibihangano byawe, ibikorwa byawe cyangwa ubucuruzi bwawe?
Ntucikwe n'iyi promotion Umusare.Net yakugeneye kuko irangirana n'ukwezi kwa Mutarama. Bwira n'incuti yawe.
->Kanda hano wamamaze ku buntu!!