Uburyo warwanya Sinesite udakoresheje imiti ya kizungu

    • Hari uburyo bwa gakondo ushobora kwirindamo Sinesite
    • Gusa ubonye bikomeye usabwe kwihutira kujya kwa muganga
Uburyo warwanya Sinesite udakoresheje imiti ya kizungu
By: Eva
3 weeks ago
Views: 891

Abantu benshi bakunda kugira ikibazo cya sinusite no gufungana, bakunze guhita bitabaza uburyo bw’imiti imwe n’imwe ikomeye nkaza antibiyotike n’indi ikoreshwa, nyamara hari uburyo wakwifashisha ubwawe utagombye kujya kwa muganga.

1. Irinde allergies n’ibiyitera iwawe

Allergies zitera sinusi kubyimbagana no gututumba. Ukwiye kwirinda ibintu byose bitumuka, ahantu umara igihe cyane yaba aho utuye cg ukorera. Bimwe mubyo twavuga; ivumbi, imyenda itumuka, tapis zimwe na zimwe cg inyamaswa nk’ipusi cg imbwa zifite ubwoya.

2.Kunywa kenshi ibintu bishyushye no kurya ibirimo urusenda

Kunywa cyane cyane ibinyobwa bishyushye bifasha umubiri mu buryo bwose. Gusa mubyo unywa ugomba kwirinda ikawa n’inzoga kuko byongera umwuma mu mubiri. Inzoga, itabi n’ikawa ni ibintu ugomba kwirinda mu gihe ugira ikibazo cya sinusite

Niki cyakubwira niba unywa amazi menshi? Ibi uzabibwirwa n’ibara ry’inkari zawe. Niba ubona zidafite ibara cg zisa nk’amazi uzamenya ko unywa amazi akwiriye.

Ibiryo birimo urusenda, masala, tangawizi, tungurusumu zifasha cyane utu dufuka twa sinusi. Kubirya bishyushye birinda gufungana.

3.Kwiyuka

Kwiyuka ni uburyo bukoreshwa mu gukiza gufangana cyane (buzwi nka steam), umwuka ushyushye woroshya mu mazuru. Ushobora kwishyuhiriza amazi akabira cyane, ukaba wakongeramo ibibabi by’inturusu (eucalyptus) cg menthol, iyi wayibona muri farumasi, ubundi ukitwikira byibuze iminota 5. Icyitonderwa: ayo mazi nubwo aba ashyushye ugomba kwirinda ko yagutwika mu isura.

Icyo kwiyuka bimara ni ukoroshya ururenda rwo mu mazuru no gusohora imyanda iba iri muri iyo myanya. Kwiyuka bikorwa hafatwa amazi ashyushye ukaba wavanga n’ibibabi by’inturusu hanyuma ukitwiki

4. Kugira isuku y’amazuru ihagije

Amazi arimo umunyu cg solution saline (izi zigurishirizwa muri farumasi zitandukanye), yagenewe koza neza mu mazuru, akavanamo imyanda nizindi mikorobe zishobora gufata ku bwoya bwo mu mazuru no ku dufuka twa sinusi, bityo bikakurinda gufungana.

Solution saline ushobora kuyibona muri pharmacie zitandukanye, zagenewe kubuza mikorobe gukura mu mazuru

Niba iyi solution utayibona byoroshye, ushobora gufata amazi meza cyane ukavanga n’akayiko gato k’umunyu hanyuma ugakoresha igitori (iyi ni seringue ariko itariho urushinge), ugahengeka umutwe ubundi ukohereza mu zuru rimwe bigasohokera mu rindi.

Ushobora kubikora inshuro nyinshi igihe urwaye, waba utarwaye 2 ku munsi. Aya mazi arimo umunyu uyacisha mu zuru rimwe agasohokera mu rindi, afasha mu gusukura udufuka twa sinusi.

5.Kwiyitaho cyane kenshi gashoboka

Uburyo bwa mbere bwo kwiyitaho bihagije ni ukwirinda ubukonje, kuko ubukonje butera ururenda rwo mu dufuka twa sinusi kwiyongera. Uburyo bwitabazwa mu kugabanya ubukonje harimo kongerera ingufu abasirikare b’umubiri wawe. Hari uburyo butandukanye bwo kongera ingufu z’ubudahangarwa bwawe mu mibereho ya buri munsi; kurya indyo yuzuye, kuryama bihagije, kunywa amazi menshi ku munsi, kurwanya stress no gukora sport (imyitozo ngororamubiri ni uburyo bwiza cyane mu guhashya sinusite)

 

Mukunzi wacu fasha ubwanditsi bwacu ukora Share, ukanda Like cyangwa uduha igitekerezo kuri iyi nkuru. Ni igikorwa gito ariko gisobanuye byinshi kuri twe. Tubaye tugushimiye






Ibitekerezo
Ba uwambere gutanga igitekerezo


Ushaka kwamamaza?

Wihangayika - Tugufitiye igisubizo.