Udushya twinshi turi kuvugwa ku mukino ikipe ya Manchester United yatsinzemo Manchester City.

    • Ikipe ya Manchester United yaraye intsinze 1:0 ikipe ya Manchester City.
    • Umutoza Jose Mourinho arishimira ubwitange bw'abafana mu mukino wabahuje na Manchester City.
    • Pep Gualdiola asanga abakinnyi be ntacyo batakoze.
    • Jose Mourinho yatuye instinzi abafana.
Udushya twinshi turi kuvugwa ku mukino ikipe ya Manchester United yatsinzemo Manchester City.
1 month ago
Views: 1737

Mbere y'umukino abatoza bombi bari batangaje ko batiteguye gutakaza uyu mukino ndetse bikanakomezwa ahanini n'uko aya makipe yombi atari yitwaye neza mu mikino yaherukaga gukina , icyo aya makipe yari ahuriyeho ni uko yombi yaherukaga gutsindwa ibitego 4:0 aho ikipe ya Manchester City yabitsinzwe n'ikipe ya Fc Barcelona ndetse na Manchester United ikabitsindwa na Chelsea.

Umutoza Jose Mourinho yaje gukina uyu mukino atari yibagirwa agahinda yatewe n'ikipe ya Chelsea, ndetse yari ari no ku gitutu cyo kugarurira icyizere abafana.

Muri uyu mukino Mourinho yagerageje gukora impinduka abanza mu kibuga umusore Michael Carrick mu gihe Fellaini yabanje ku ntebe y'abasimbura , ibi Mourinho yabikoze nyuma y'uho Ray Wilkins wahoze akinira iyi kipe atangarije ko atiyumvisha ukuntu Fellaini na Ander Herrera babanza mu kibuga hagati mu gihe Michael Carrick ari ku ntebe y'abasimbura.

Igitego cy'ikipe ya Manchester United cyaje gutsindwa n'umusore Juan Mata ku munota wa 54 w'umukino. Nyuma y'uko ikipe ya Manchester City itsindiwe iki gitego umutoza Gualdiola yageraageje kwinjiza mu kibuga abasore bayo nka Aguero ndetse na Raheem ariko birangira ntacyo bamariye iyi kipe.

Ikintu cyaje gutungurana muri uyu mukino ni uko ikipe ya Manchester City yarangije umukino nta mupira iteye ugana mu izamu( shot on target) ibi bikaba byari biherutse kuba kuri iyi kipe mu mwaka 2012.

Nyuma y'umukino umutoza Jose Mourinho yatangaje ko yishimiye cyane abafana uburyo babaye inyuma y'ikipe yabo ndetse atangaza ko ari ubwa mbere abonye abafana bashobora gushyigikira ikipe gutyo nyamara yari iherutse kubakoza isoni itsindwa ibitego 4:0.

Pep Gualdiola we yatangaje ko yishimiye uburyo abakinnyi be bakiri bato babyitwayemo ndetse anemeza ko mu minsi iri imbere bazatangira gutanga umusaruro ushimishije.

Ikipe ya Manchester United mu mukino utaha w'iki gikombe izacakirana n'ikipe ya West Ham United nayo yabashije gutsinda ikipe ya Chelsea ibitego 2:1.

Mukunzi wacu fasha ubwanditsi bwacu ukora Share, ukanda Like cyangwa uduha igitekerezo kuri iyi nkuru. Ni igikorwa gito ariko gisobanuye byinshi kuri twe. Tubaye tugushimiye






Ibitekerezo
Ba uwambere gutanga igitekerezo


Ushaka kwamamaza?

Wihangayika - Tugufitiye igisubizo.