Real Madrid yatsinze imvune zikomeza kwiyongera mu gihe El Clasico yegereje.

    • Real Madrid yaraye itsinze ikipe ya Sporting CP ibitego 2-1.
    • Gareth Bale yavunikiye mu mukino ikipe ya Real Madrid yatsinzemo Sporting CP.
    • Gareth Bale ashobora kutazakina umukino wa El-clasico uhuza Real Madrid na Fc Barcelona.
Real Madrid yatsinze imvune zikomeza kwiyongera mu gihe El Clasico yegereje.
2 weeks ago
Views: 1597

Mu mukino wabaye kuri uyu wa kabiri wahuzaga ikipe ya Sporting Cp yo muri Portugal yari yakiriye ikipe ya Real Madrid yo mu gihugu cya Espagne mu mikino ya Champions league warangiye ikipe ya Real Madrid ibashije gutsinda ibitego 2-1.

Myugariro Raphael Varane yishimira igitego cye na bagenzi be.

Ibitego by'ikipe ya Real Madrid byinjijwe na Raphael Varane ku munota wa 23' w'umukino mu gihe ikindi gitego cy'intsinzi cyaje gikererewe cyabonetse ku munota wa 87' w'umukino gitsinzwe na Karim Benzema winjiye mu kibuga ku munota wa 67 asimbuye Isco, Igitego kimwe rukumbi cy'ikipe ya Sporting CP cyatsinzwe na Adrien Silva kuri penaliti ku munota wa 80 w'umukino.

Ikipe ya Sporting Lisbon bakunze kwita Sporting CP yaje guhura n'ikibazo cyo kubona ikarita y'umutuku yahawe umwe mu basore iyi kipe igenderaho Joao Pereira ku munota wa 64 w'umukino. Ibi byaje gutuma iyi kipe ingufu yari ifite zisa nk'izigabanuka cyane ndetse wabonaga binashoboka kuba yatsinda ikipe ya Real Madrid.

Ku munota wa 58 w'umukino ikipe ya Real Madrid yaje guhura n'insanganya(ibyago) ivunikisha umusore wayo umwe mu bagenderwaho muri iyi kipe Gareth Bale waje guhita asimburwa ku buryo bwihuse na Marco Asensio.

Umusore Gareth Bale yahuye n'ikibazo cy'imvune ku kaguru k'iburyo igihe azamara hanze kikaba kitaramenyekana.

Nyumay'umukino umutoza Zinedine Zidane wa Real Madrid yatangaje ko Gareth Bale agiye gukurikiranwa n'abaganga b'iyi kipe bakaba baramenya iby'iyi mvune  kuri uyu munsi n'uko barabyitwaramo, Iyi mvune y'uyu musore ije yiyongera ku bandi bakinnyi bavunitse aribo Toni Kroos, Casemiro, na Pepe mu gihe kandi habura iminsi 11 gusa ngo habe umukino wa El-Clasico uzahuza iyi kipe na mukeba wayo Barcelona bahora bahanganye.

Kuba uyu mukino warangiye ari 2-1 byahise bihesha itike ku buryo budasubirwaho ikipe ya Real Madrid yo gukomeza muri 1/8 cy'irangiza ku nshuro ya 20 yikurikinya.

Gareth Bale niwe watsindiye Real Madrid igitego cy'intsinzi ku mupira yahawe na Sergio Ramos.

Muri iri ntsinda kandi ikipe ya Borussia Dortmund yantsinze Legia Warszawa ibitego 8-4 bikaba byahise bituma muri iri ntsinda ikipe ya Borrussia Dortmund iriyobora n'amanota 13 , Real Madrid ku mwanya wa kabiri n'amanota 11 bikaba bizisobanura haboneka ikipe ya mbere ubwo ikipe ya Real Madrid izaba ikina na Borrussia Dortmund ku mukino wo gusoza amatsinda.

Cristiano Ronaldo niwe watanze umupira(assist) wavuyemo igitego cya mbere cya Real Madrid.

Mbere y'uko avunika Gareth Bale yari ikibazo ku bakinnyi ba Sporting CP.

 

Mukunzi wacu fasha ubwanditsi bwacu ukora Share, ukanda Like cyangwa uduha igitekerezo kuri iyi nkuru. Ni igikorwa gito ariko gisobanuye byinshi kuri twe. Tubaye tugushimiye






Ibitekerezo
Ba uwambere gutanga igitekerezo


Ushaka kwamamaza?

Wihangayika - Tugufitiye igisubizo.