Kenya yapfushije umuhanzi ukomeye ku isi

    • Achieng Abura mbere yo gupfa yabanje gutakaza ibiro 50
    • Mu cumweru 1 arwaye yasezeye ku isi
Kenya yapfushije umuhanzi ukomeye ku isi
1 month ago
Views: 785

Abura yari amaze imyaka igera kuri 25 akora umuziki by’umwuga, yari azwi cyane mu njyana ya afro-jazz. Yitabye Imana ku mugoroba wo kuri uyu wa Kane tariki ya 20 Ukwakira 2016 nyuma y’iminsi igera kuri irindwi arwariye mu bitaro bikuru bya KNH [Kenyatta National Hospital].

Ikinyamakuru The Star cyo muri Kenya cyatangaje ko uyu muhanzi yari afite uburwayi bw’igifu no kwiheba gukomeye. Ibindi bitangazamakuru bivuga ko yari asanzwe afite ikibazo cy’impyiko zamurembeje.

Abura yaherukaga kwandika kuri Facebook avuga ko yagize ikibazo gikomeye cy’ubuzima nyuma y’uko mu myaka itatu yari ishize yagabanutseho ibiro 50 ari nacyo cyamuteye kugira ibibazo bitandukanye.

www

Yagize ati “Natakaje ibiro 50 mu myaka itatu itambutse. Ibintu byose byarahindutse, nacitse intege, kugenda ntibikinshobokera kubera ububabare mfite umubiri wose. Abaganga bambwiye ko ngomba kwiyongeraho ibindi biro 30 hanyuma nabyo nkabitakaza nkoze imyitozo […] Ndi kwigira mu makosa[ndarwaye].”

Uyu muririmbyi yatangiye gukundwa cyane ahagana mu 1990 ubwo yasohoraga album y’indirimbo zihimbaza Imana yise ’Way Over Yonder’ n’indi yitwa ’Sulwe’. Mu mwaka wa 2002 yakunzwe kurushaho binyuze muri album yakoze yitwa ’Maisha".

Mu mwaka wa 2004 yatwaye igihembo cya Kora Award cya East African Artiste. Assize umusore umwe yabyaye ubu ufite imyaka 23 ari na we ari mu bitaro kubera uburwayi yagize butaramenyekana neza.

 

Mukunzi wacu fasha ubwanditsi bwacu ukora Share, ukanda Like cyangwa uduha igitekerezo kuri iyi nkuru. Ni igikorwa gito ariko gisobanuye byinshi kuri twe. Tubaye tugushimiye






Ibitekerezo
Ba uwambere gutanga igitekerezo


Ushaka kwamamaza?

Wihangayika - Tugufitiye igisubizo.