Wari uzi ko wakwigarurira imitima y'abakobwa benshi uramutse uzi aya mabanga 3 gusa? Ntucikwe

    • Amabanga atatu yatuma wigarurira umutima w'umukobwa ukunda
    • Dore ibintu 3 byagufasha kwigarurira umutima w'umwari wakuguye ku mutima
    • Amabanga yagufasha kwigarurira umutima w'umukobwa

Abasore benshi baba bafite abakobwa babanyuze nyamara ugasanga batazi uburyo bakwigarurira imitima yabo n'ubwo baba basanzwe baganira. Dore rero amabanga 3 yatuma wigarurira umutima w'umukobwa akakwihebera.

Abagore bakunda kureba ibyiza umugabo afite. Abagabo bamwe bagira amahirwe yo kuba bujuje ibi abagore baba bashaka gusa hari n'abandi bagabo usanga nta byo bafite gusa si ngombwa kwiheba kuko umugabo ashobora kwiga no gushaka ibyo ibyo abagore bakunda kandi akabigeraho. Ngo byaba byoroshye cyane kubigeraho iyo uzi uko wabigeraho. Uko uzagenda witoza gukora aya mabanga abagabo benshi batazi uzabona ko abagore benshi bazatangira kugenda bakwishimira. Ese waba warigeze wibaza impamvu abakobwa cyangwa abagore beza kandi b'igikundiro baba biruka inyuma y'abasore cyangwa abagabo bamwe kurusha abandi? Impamvu abagabo bamwe batereteta cyane kugirango babashe kubona umukobwa bakundana mu gihe hari abandi basa naho bashobora kubona umukobwa uwo ari we wese bifuje mu kanya nk'ako guhumbya. Amwe mu mabanga bakoresha ni yo tugiye kubabwira.

1. Abakobwa bakunda abasore cyangwa abagabo bambara neza.

Ese waba wambara neza kandi ukaberwa? Niba utabikora abakobwa benshi ntibazakwitaho. Abakobwa bakunda isuku, ndetse n'abasore bambaye neza. Impamvu ni uko ibi bigaragaza ko ugira gahunda kandi ushoboye kwiyitaho. Mu mitwe yabo rero bahita bumva ko niba ushobora kwiyitaho ushobora kubitaho birenze. Bajya bavuga ngo uko umukobwa akubonye bwa mbere ni byo by'ingenzi nyara hari ikirenga kuri ibyo kuko uko agenda akubona buri munsi bifite agaciro gakomeye. Uko wambara bifata umwanya ukomeye cyane mu buryo bwo kumwereka ko utandukanye n'abandi. Kwambara neza kandi bisaba ubuhanga n'ubwenge bwo kugenda uhinduranya imyenda. Niba wifuza ko abakobwa bagukunda rero kandi bakagukurikira gerageza kunoza no kuryoshya imyambarire yawe. 

 

2. Ese waba uzi kubabwira utugambo turyoheye amatwi?
Abakobwa n'abagore muri rusange bakunda bene aya magambo. Bakunda by'umwihariko kubereka ko wamenye ko bahari buri gihe cyose. Nushobora kubereka ko wamenye ko bahari kandi ubitayeho ndetse ukababwira amagambo abibagaragariza nta kabuza uzabona benshi bakwirukaho. Bakunda ubabwira ko ari beza, ko baberewe, ko basokoje neza n'ibindi. Gusa ugomba kwitonda ntago ukomba kwirirwa umubwira ko ari mwiza inshuro 24 ku munsi ahubwo ugomba kubikora mu gihe kibereye nk'igihe mubonye akanya muri mwenyine cyangwa igihe muhuye ushobora guhita umubwir ko yambaye neza ibi bimwereka ko umwitayeho kandi ko iyo ahageze nta kindi ubona atari we. Ibi ubikoze neza ushobora kugirango wabaye rukuruzi ku bakobwa.

3. Ese waba utega amatwi igihe umukobwa utereta arimo kuvuga ndetse ugakora n'ikimenyetso ko wabyumvise nko kuzunguza umutwe?
Hari abajya bavuga ko abantu benshi badatega amatwi ahubwo baba barindiriye umwanya wabo wo kuvuga. Nuramuka ushatse kwiharira ijambo uzatuma umukobwa utereta yigendera. Abakobwa bakunda umusore ubatega amatwi akabaha umwanya kandi ukabona ko yitaye ku byo bavuga. Ibi ngo bituma umukobwa yumva ko ari we wingenzi mu buzima bwawe ndetse n'ibyo ukora byose. Ni bwo uzasanga atangiye kukubwira amabanga ye atigeze abwira abandi. Gusa ibi ntibivuze ko ugomba kuba nk'ikiragi. Ahubwo ugomba na we kugira ibyo uvuga bitewe n'ikiganiro gusa ukagerageza kudafata umwanya munini cyane kandi ibi ukabikora mu mwanya ubona ko bikwiye mu kiganiro murimo kugirana. Biroroshye cyane mureke yisanzure maze umwireke ko umuteze yombi kandi witaye ku byo arimo kukubwira.

1 month ago
Views: 2982
Mukunzi wacu fasha ubwanditsi bwacu ukora Share, ukanda Like cyangwa uduha igitekerezo kuri iyi nkuru. Ni igikorwa gito ariko gisobanuye byinshi kuri twe. Tubaye tugushimiye


Kanda hano tukugire inama





Ibitekerezo
Ba uwambere gutanga igitekerezo


Ushaka kwamamaza?

Wihangayika - Tugufitiye igisubizo.