Dore ibintu byafasha ubwonko bwawe kwibuka niba ujya wibagirwa

    • Dore ibiribwa byongera ubushozi bwo kwibuka
    • Niba ujya wibagirwa bya hato na hato, ibi biribwa ntibizabure ku ifunguro ryawe
Dore ibintu byafasha ubwonko bwawe kwibuka niba ujya wibagirwa
By: Eva
2 weeks ago
Views: 2389

 Muri iki gihe abantu benshi  barajwe ishinga n’uko uko bwije n’uko bukeye  ikiremwamuntu gitakaza ubushobozi  kamere  bwo  kwibuka, kuburyo bigeze n’aho  umuntu  atagishobora   kwibuka  nimero  ze za telefone.

 Ibikoresho by’ikoranabuhanga  byogeye  kuri  uyu  mubumbe  ni imwe mu ntandaro  z’ibi byose. Imboga rwatsi n’imbuto ni bimwe mubiribwa  byagufasha   kwongerera  ubwonko  bwawe  ubushobozi  bwo  kwibuka  vuba.

 Niba ujya wibagirwa, jya wibanda kurya ibi biribwa

1.Imboga  rwatsi:  imboga   rwatsi   nk’uko  byagiye  bigaragazwa  n’ubushakashatsi  ngo  ni  zimwe mu zifasha  ubwonko  bwacu  kwibuka  vuba.  Uruboga  rwagarutsweho  cyane  ni  Te (rosemary or thyme).  Ururuboga  rwifitemo anti-oxidant   na  acide  camosica  bifasha mu kwagura  agasashe  gatwikiriye  ubwonko  kazwi  nka cerebral vascular.  Kurya TE cyangwa  kuyihumuriza  ngo  byongerera  ubwonko  ubushobozi  bwo  kwibuka  vuba.

2.icyayi:  icyayi  benshi  bagikunda  nk’ikinyobwa  cyongerera  umubiri  ubushyuhe  kuko  usanga  abenshi  bagifata  mu gihe cy’ubukonje.

 Mu cyayi  rero  abahanga  bo  muri  kaminuza  ya Limburg yo mu Buhorandi, bavugako mu cyayi  harimo  anti-oxidant  na caffeine adenosine antagonism. Izi zikaba ari intungamubiri zifasha   umuntu  kwibuka    vuba  kandi  neza. Ngo haba  harimo  kandi  theamine  ifasha  ubwonko  kuguma  hamwe  kandi  buruhutse.

3.Imbuto:  imboga  n’imbuto  byose  ni  ingenzi  ku mubiri  wacu, burya  rero  ngo  imboga  n’imbuto  zigira  akamaro  kenshi  bitewe  n’amabara  yazo. Dufashe  nk’urugero  burya  igitunguru  gitukura  n’imikeri  ni  bimwe mu bifasha  ubwonko  kwibuka  vuba. Mu mbuto  dusangamo  nyinshi zinyuranye nk’avoka,   amacunga,  inanasi n’ibipapayi.

4 .Ubuki:  ubuki  bukunze  gukoreshwa  nk’umuti  kuri  benshi  abandi  nabo  bakabukoresha  mu gusembura  inzoga.   Mu bushakashatsi   bwakozwe  na  kaminuza  ya Waikato mu gihugu  cya  New Zealand, ubuki basanze  bubamo  isukari ya  sakrose ndetse  n’indi  myunyu ngugu  ifasha  ubwonko  kutagira  impungenge  ndetse  bugahorana  ubushobozi  kamere  bwo  kwibuka  bitabugoye.

5.Amafi: umubiri  ukenera  intungamubiri  nyinshi  kandi  ku kigero  gihagije, muri izo  hari  mo  n’amafi  akungahaye ku   ntungamubiri  nka  fati omega -3 ndetse  na phosphatidylserine. Kugaburira  umwana  wawe amafi no kuyarya  wowe  ubwawe  ni  ukwivura no kurinda  ubwonko  bwawe  indwara  zijyanye no kwibagirwa no guhorana  impungenge  za  hato  na  hato.

By: Desire Iradukunda-Umusare.net

Mukunzi wacu fasha ubwanditsi bwacu ukora Share, ukanda Like cyangwa uduha igitekerezo kuri iyi nkuru. Ni igikorwa gito ariko gisobanuye byinshi kuri twe. Tubaye tugushimiye






Ibitekerezo
Ba uwambere gutanga igitekerezo


Ushaka kwamamaza?

Wihangayika - Tugufitiye igisubizo.