Birashoboka ko umugore yasama no mu gihe cy’imihango?

    • Ni ryari umugore ashobora gusama?
    • Umugore uri mu mihango ashobora gusama?
Birashoboka ko umugore yasama no mu gihe cy’imihango?
2 months ago
Views: 700

Mu bisanzwe habaho gusama igihe intanga ngore yahuye n’intanga ngabo mu muyoborantanga. Mu kwezi k’umugore gusanzwe ni ukuvuga ukw’iminsi 28, byibura hagati y’itariki y’umunsi wa 12 na 16 y’ukwezi k’umugore, intangangore irakura maze ikoherezwa mu muyoborantanga umwe.

Kuva igihe intangangore irekuriwe, ishobora kubaho byibura amasaha 24 mu muyoborantanga. Na ho kugira ngo umugore asame, bisaba ko intangangabo zigera mu miyoborantanga muri ayo masaha. Iyo intanga ngore itabanguriwe, irapfa, maze ikazasohokana n’imihango.

Mu gihe cy’imihango, iyindi ntanga iba irimo irategurwa kugira ngo irekurwe mu kwezi gukurikiyeho. Gusa abagore bose ntibagira ukwezi kw’imihango kungana. Kuri benshi, kumara iminsi 28, ku bandi kukamara 22 gusa cyangwa hasi yayo, akaba ari no kuri bene aba ikibazo cyo gusama mu gihe cy’imihango gishobora kugaragaraho.

Biteganywa ko intangangabo zishobora gutegereza kugera ku minsi itatu, bikaba bitaba igitangaza rero ko zigeza mu ntangiriro z’igihe cyo gusama.

Birashoboka kandi ko umugore yagira ikindi kibazo mu mura akava amaraso akabyitiranya n’imihango, bigahuza n’igihe cy’uburumbuke. Niba ushidikanya ku mihango yawe, bibwire muganga

Ni ngombwa rero ko umugore akomeza uburyo bwe bwo kuboneza urubyaro no mu gihe cy’imihango, kuko birashoboka ko yasama.

Mukunzi wacu fasha ubwanditsi bwacu ukora Share, ukanda Like cyangwa uduha igitekerezo kuri iyi nkuru. Ni igikorwa gito ariko gisobanuye byinshi kuri twe. Tubaye tugushimiye






Ibitekerezo
Ba uwambere gutanga igitekerezo


Ushaka kwamamaza?

Wihangayika - Tugufitiye igisubizo.